Sögur úr sveitinni

2010-03-19T06:25:00.000-07:00

Haldiði að ég hafi ekki bara fengið trommusett í afmælisgjöf.

2010-03-19T06:18:00.000-07:00

Í snjónum um daginn fórum við afi að byggja snjóhús og vorum býsna duglegir verð ég að segja.

Jólamynd

2010-03-19T06:15:00.000-07:00

Þessi mynd átti auðvitað að fylgja jólamyndunum. Hátíðlegur maður með hátíðlegt æti.

2010-03-19T06:03:00.000-07:00

Óneitanlega myndarlegur systkinahópur.
Við Sebastian urðum stundum svolítið þreyttir á fólkinu í kringum okkur enda skildum við ekki nærri því allt sem sagt var.
Fékk rosa flottan fjarstýrðan bíl í jólagjöf.
Hér erum við félagarnir.

2010-03-19T05:38:00.001-07:00

Jólakveðja STS

2009-12-24T05:59:00.001-08:00

Brúðkaup

2009-08-02T16:11:00.000-07:00

Alltaf gott að sitja í fanginu á ömmu á Skipalæk.

En ég get líka setið sjálfur til borðs...

.... með smá tilsögn Katrínar og ömmu...

Þetta eru brúðhjónin, Bergur og Álfheiður. Ég gerði tvær heiðarlegar tilraunir til að stela af þeim senunni og tókst ágætlega til á meðan á því stóð!!

Sumarbústaðarferð

2009-08-02T16:09:00.000-07:00

Við sumarbústaðinn í Ytri-Vík var heitur pottur og þar var sko notalegt að busla og hvíla sig.

Púslað og lesið heima í Lagarfellinu

2009-08-02T16:06:00.000-07:00

Heimsókn í Freysnesið til Tótu frænku

2009-08-02T16:04:00.000-07:00

Heimsókn í Freysnesið til Tótu frænku

2009-08-02T16:00:00.000-07:00

2009-07-09T10:52:00.000-07:00

Hér eru heimildamyndir um það sem ég er að bardúsa. Mamma var með trommusett í stofunni fyrir ættarmótið um síðustu helgi og ég sýndi mikla takta. Svo þarf ég stundum að hjálpa ömmu á Skipalæk

Sandkassi

2009-06-07T16:15:00.000-07:00

Um síðustu helgi fórum við út á Héraðssand, settum hluta af honum í kerru, keyrðum heim og settum hann í sandkassann minn hérna í garðinum. Núna er ég semsagt alltaf að leika mér í sandkassanum mínum þegar gott er veður og það er ótrúlega uppbyggjandi og lærdómsríkt að moka sandi í fötu bara til að hella úr henni og moka aftur í hana.

Pakki frá NZ

2009-04-15T14:19:00.000-07:00

Hvað haldið þið!!! Ég fékk pakka alla leið frá Nýja Sjálandi en þar er einmitt systir mín að læra rosalega mikið. Mér finnst reyndar að hún ætti að fara að koma heim til Íslands og sjá hvað ég er orðinn stór og myndarlegur, en þangað til, verður hún bara að skoða myndirnar hér á síðunni minni. Takk, takk, takk fyrir pakkann.

Ég að borða

2009-04-13T16:29:00.000-07:00

Gat ekki stillt mig um að senda mynd af mér þar semég er að borða, ég er nefnilega farinn að geta gert ýmislegt sjálfur, aleinn og hjálparlaust.......bráðum verð ég stór

Kaggi

2009-04-13T15:50:00.000-07:00

Það eru sko ekki allir sem eiga svona góða nágranna eins og ég......

Einn góðan veðurdag kom Salka dóttir Þodda og Ástu Jónu með þennan líka fína bíl til mín. Hann er reyndar aðeins of stór svo að ég er ekki farin að geta hjólað á honum en ég þar sem ég reikna með að stækka aðeins meira þá er ég farinn að hlakka til að geta hjólað um pallinn þveran og endilangan t.d. í sumar, en þangað til, þykist ég vera viðgerðarmaður og spjalla við afa um bílinn og hvernig á að gera við.

Páskaegg

2009-04-13T15:35:00.000-07:00

Selma Þórunn frænka mín kom í heimsókn og gaf mér páskaegg sem ég borðaði að sjálfsögðu strax með tilheyrandi smyrjaútumallt stæl.

Gestagangur

2009-04-13T15:15:00.000-07:00

Um páskana kom Sigríður Svandís frænka mín í heimsókn, hún er bara ágæt og við getum alveg leikið okkur...hm í hæfilegri fjarlægð frá hvort öðru. Ég var hálf feiminn við hana enda er hún stærri en ég, með miklu meira hár og ábyggilega sterkari líka. Hérna eru myndir sem voru teknar af okkur þegar við vorum að næra okkur aðeins.....

Sleðaferð

2009-04-06T02:32:00.000-07:00

Stundum fer ég í Skipalæk til að renna mér á sleða og það er frábært. Amma er ótrúlega dugleg að draga mig upp og niður hólinn á sleðanum og þegar við verðum þreytt þá förum við inn og fáum okkur pönnukökur. Í gær heilsuðum við upp á afa Grétar á sjúkrahúsinu og þegar við komum heim í Skipalæk aftur þá tók ég nokkrar sleðabunur og hitti líka hestana.

Daglegt líf

2009-03-27T14:25:00.000-07:00

.....mamma er ótrúleg. Hún gleymir að taka myndir á mikilvægum stundum eins og afmæli en er svo að taka myndir þegar ég er að gera bara venjulega hluti, eins og t.d. að borða muffins í mesta sakleysi...

....eða hjóla (ég er mjög flínkur að hjóla)...

Afmælismynd

2009-03-27T14:20:00.000-07:00

Mamma tók eiginlega engar myndir í afmælinu mínu en hér er þó ein

Afmæli

2009-03-27T14:00:00.000-07:00

Eins og auðvitað allir vita þá átti ég afmæli 15 mars og þá kom fullt af skemmtilegu fólki í heimsokn til okkar mömmu. Það vildi nú samt þannig til að ég, afmælisbarnið sjálft, vaknaði óvenju seint af lúrnum mínum og þegar ég kom fram með stírurnar í augunum og svolítið úrillur, þá var húsið orðið fullt af fólki. Ég jafnaði mig reyndar furðu fljótt þegar ég fór að taka upp pakka og þessi dagur var alveg frábær. Ég fékk góða hjálp við að taka upp pakkana eins og sést á upptökunni sem fylgir hér með.

Ný orð

2009-03-06T05:54:00.000-08:00

Nú er ég farinn að prófa mig áfram með að tala. Það er dálítið snúið því að sum hljóð kann ég bara ekkert að búa til, ég prófa mig áfram með því að herma eftir fullorðna fólkinu en orðin hljóma oft öðruvísi hjá mér heldur en þeim. EN STUNDUM TEKST ÞAÐ!!!!!

Nokkrar jólamyndir

2009-02-04T14:57:00.000-08:00

Lalla lalla

2009-02-04T14:42:00.000-08:00

Ég er farin að tralla aðeins með skemmtilegum lögum.....

Úti í snjónum

2009-02-04T14:17:00.000-08:00

Í fyrradag fór ég út með snjóþotuna mína og baksaðist dálítið í snjónum. Með þessum myndum fylgja sérstakar "ískaldar" kveðjur til stórusystur-miðjubarns og Önnu Guðnýjar systramóður minnar en þær eru einhversstaðar hinumegin á hnettinum í steikjandi hita og mollu.....örugglega

Eg að skoða bók

2009-02-04T13:57:00.000-08:00

Jæja þá er komið nýtt ár og tími til kominn að segja einhverjar fréttir af mér sjálfum. Þessar fréttir eru aðallega í formi mynda sem hér fylgja með því eins og allir vita þá segja þær yfirleitt mikið meira en mörg orð. Meðfylgjandi er mynd af mér að skoða Vísnabókina mína góðu og þar eru nú ýmsar persónur sem eru áhugaverðari en aðrar.......

2008-10-02T09:17:00.000-07:00

2008-10-02T08:30:00.000-07:00

Hér var ég að hjálpa í þvottinum, ómissandi eins og venjulega

2008-10-02T07:59:00.000-07:00

Hér koma svo nokkrar myndir

2008-10-02T07:42:00.000-07:00

Ég er byrjaður í leikskóla og mér finnst ég vera orðinn býsna stór og tilkomumikill maður, enda fara engin smábörn í leikskóla. Ég er reyndar bara nýhættur að gráta þegar ég var að kveðja mömmu á morgnana en núna veifa ég henni bara bless og geng svo rogginn og sjálfsöruggur til hinna krakkanna og leikskólakennaranna því ég er búinn að komast að því að það er alltaf eitthvað skemmtilegt að gerast hjá þeim og leikskólakennararnir, tja þær eru reyndar bara rosalega góðar þegar maður fer að kynnast þeim.

Það er búið að vera mikið að gera hjá okkur mömmu í nýja húsinu okkar en við erum núna að fara að ganga frá dóti sem við erum búin að vera að flytja með okkur hingað og þangað. Ég er mjög duglegur að taka upp úr kössum enda fullt af skrítnum hlutum sem hægt er að finna, ég sé um að taka þá upp úr og dreifa þeim á gólfið þar sem mamma tekur þá síðan og setur inn í skáp. Stundum vil ég breyta og taka út úr skápunum aftur en þá fer mamma alltaf að sýna mér eitthvað allt annað og þá gleymi ég alveg hvað ég ætlaði að gera.

Ég ætla að finna myndir til að setja hér, bless í bili, Sigurjón Torfi

Svipmyndir frá Skipalæk

2008-08-17T13:14:00.001-07:00

Á efstu myndinni er ég að leika með Karítas frænku minni, hún lyfti mér á bak á Vindu, sem er merin hennar risastóru systur. Á næstu mynd er mamma að kenna mér að moka og á neðstu myndinni erum við amma að skoða bók.

Sprellikarl

2008-08-12T16:01:00.000-07:00

Í lok júlí voru Þórunn Gréta risastóra systir og Dabbi mágur á ferðinni fyrir austan. Þau komu og kíktu á nýja fína húsið okkar mömmu og með þeim var Anna Guðný, systramóðir mín. Hún færði mér innflutningsgjöf með svakalega fínni slaufu sem var gaman að toga í. En ofan í pokanum var alvöru ítalskur Gosa sprellikarl. Hann var alveg stórmerkilegur. Ég var fljótur að sjá hvernig hann virkar. Á meðan mamma og Anna Guðný töluðu um alls konar innanhúsframkvæmdir steinþagði ég og æfði mig í að leika með sprellikarlinn.

Mikið að gera

2008-07-16T07:32:00.001-07:00

Hér koma myndir af mér í stússinu á Skipalæk

Heimsókn í Hafnarfjörðinn

2008-06-11T17:19:00.000-07:00

Um síðustu helgi fórum við mamma til Hafnarfjarðar og hittum Brynju frænku og Kára. Við gistum þar nokkrar nætur og meira að segja var ég aleinn hjá þeim heila nótt á meðan mamma fór í sumarbústað. Ég stóð mig vel, eins og alltaf, og Brynja hrósaði mér mikið fyrir hvað ég var duglegur. Ég hitti líka Iðunni Margréti og Kjartan Ísak og það var sko rosalega gaman. Hér eru myndir úr þessari ferð

Lífið á Læk

2008-06-11T16:41:00.000-07:00

Það er ýmislegt sem ég stússa í hér á Skipalæk. Meðfylgjandi eru myndir sem segja meira en mörg orð

....fleiri myndir.....

2008-06-01T16:51:00.000-07:00

Þarna var ég nýbúinn að hjálpa mömmu að hengja út þvott og eins og venjulega var ég mjög hjálpsamur. Ég tíndi allan þvottinn uppúr balanum, setti hann í grasið og settist síðan sjálfur í balann. Mér fannst þetta skemmtilegt en mamma var ekkert ánægð með hvernig ég fór með tandurhreinan þvottinn, en ég veit að það er alltaf hægt að þvo hann aftur svo að ég hef engar áhyggjur

Labb og Skriðuklaustur

2008-06-01T16:21:00.000-07:00

Við mamma vorum á Skipalæk í morgun og eftir hádegið fórum við með Fjólu ömmu og Þóreyju í Skriðuklaustur og þar var ýmislegt skemmtilegt að sjá. Ég labbaði um langa ganga, hitti fullt af skemmtilegu fólki og fékk líka rosalega góða vöfflu með sultu og rjóma, líka eplaköku. Hér eru myndir sem voru teknar í dag

Sól og rautt hár

2008-05-31T05:15:00.000-07:00

Fyrripart síðustu viku var svo gott veður að ég gat verið mikið úti, ég hef aldrei verið svona mikið úti á æfinni og það var mikið að skoða og ýmislegt sem þurfti að smakka á . Því það er nú nefnilega einusinni þannig að maður veit ósköp lítið um heiminn fyrr en maður er búinn að smakka á honum, allavega finnst mér það. Það er kringlótt ljós langt uppi í bláum himninum sem heitir sól og ef maður er lengi úti þá getur maður brunnið en mamma smurði á mig sólarvörn um allan haus og hvort sem það var sólin eða sólarvörnin að þá virtist hárið á mér hafa tekið vaxtarkipp. Þetta varð til þess að amma á Skipó fór að rýna í hárið á mér því það versta sem hún getur hugsað sér er að ég verði rauðhærður, það hefur hún margoft sagt og hvort sem það var roðinn eftir sólina eða eitthvað annað þá þóttist hún sjá þess greinileg merki að ég yrði rauðhærður "aumingjans, vesalings barnið" sagði hún. Það sér reyndar enginn annar rauð hár á mér enda eru þau svo fá og smá þessi hár að erfitt er að segja um það ennþá. En það er þó alveg ljóst að ég "fæ hár".

Ég hef mjöööög gaman af ferðafólki og hleyp oft á móti gestum sem eru að koma, mér finnst svo gaman þegar fólk tekur mig upp og helst vil ég máta aðeins fangið á öllum. Nafnið mitt vefst þó allt of mikið fyrir útlendingum. Þegar spurt er hvað ég heiti þá sé ég bara skelfingarsvip á fólki þegar mamma segir "Sigurjón Torfi" það er mikill tungubrjótur fyrir venjulega erlenda ferðamenn svo að ég er alveg eins bara kallaður Nonni, sem mér finnst bara fínt.

Takk fyrir commentin á síðuna mína og gaman að fá frá ykkur línu. Rannveig ég er sko alveg til í að koma í heimsókn til að hitta kisurnar þínar, þig kannski aðeins líka, en ég hef lítinn tíma núna þegar gestatíminn byrjar á Skipó því ég er auðvitað aðalmaðurinn og verð að standa mig vel eins og amma.

Bless. Sigurjón Torfi.

Fyrsta tilraun

2008-05-28T16:28:00.000-07:00

Nú ætla ég að vígja nýju bloggsíðuna sem hún Þórunn Gréta systir mín var svo góð að hjálpa mér að stofna. Hér ætla ég að segja fréttir af mér og mínum því það er alltaf eitthvað skemmtilegt að gerast hjá mér í sveitinni. Við mamma erum að vinna í ferðaþjónustunni á Skipalæk hjá ömmu og ég er mjög duglegur að hjálpa til, sérstaklega þó í þvottinum og þegar það er verið að búa um rúm. Mér finnst gaman að rugla rúmunum þegar það er búið að búa um en það finnst engum öðrum skemmtilegt og ég botna ekkert í því þessari smámunasemi þó að rúmfötin krumpist svolítið, það vita nú allir að þau krumpast hvort sem er þegar fólk sefur í þeim. Þegar allir eru orðnir voða pirraðir á mér þá er ég tekinn upp og settur á einhvern annan stað og ég sé alltaf eitthvað nýtt og spennandi. Mér finnst t.d.ruslafötur mjög spennandi bæði fullar og tómar og ég get endalaust dundað mér við að skoða rusl og tína það upp úr fötunum og dreifa því um allt.

Ég er farinn að ganga og eiginlega líka hlaupa því stundum finnst mér ég bara ekki fara alveg nógu hratt og mamma segir að ég fari stundum framúr sjálfum mér, ég skil nú ekki hvernig það er hægt en ég get nú ýmislegt sem aðrir geta ekki.

Það er lítið folald hér á Skipalæk og ég fékk að strjúka því og klappa þegar það lá úti í sólinni í gærmorgun. Við vorum miklir vinir þangað til ég potaði í augun á því en þá stóð það upp og fór. Mamma ætlar endilega að taka mynd af okkur saman og kannski get ég sýnt ykkur hana.

Meira síðar....Sigurjón Torfi

2008-05-27T10:21:00.000-07:00

Hér sé stuð!