Haldiði að ég hafi ekki bara fengið trommusett í afmælisgjöf.

Í snjónum um daginn fórum við afi að byggja snjóhús og vorum býsna duglegir verð ég að segja.

Jólamynd

Þessi mynd átti auðvitað að fylgja jólamyndunum. Hátíðlegur maður með hátíðlegt æti.

Óneitanlega myndarlegur systkinahópur.
Við Sebastian urðum stundum svolítið þreyttir á fólkinu í kringum okkur enda skildum við ekki nærri því allt sem sagt var.
Fékk rosa flottan fjarstýrðan bíl í jólagjöf.
Hér erum við félagarnir.

Jólakveðja STS

Brúðkaup

Alltaf gott að sitja í fanginu á ömmu á Skipalæk.

En ég get líka setið sjálfur til borðs...

.... með smá tilsögn Katrínar og ömmu...

Þetta eru brúðhjónin, Bergur og Álfheiður. Ég gerði tvær heiðarlegar tilraunir til að stela af þeim senunni og tókst ágætlega til á meðan á því stóð!!

Sumarbústaðarferð

Við sumarbústaðinn í Ytri-Vík var heitur pottur og þar var sko notalegt að busla og hvíla sig.

Púslað og lesið heima í Lagarfellinu

Heimsókn í Freysnesið til Tótu frænku

Heimsókn í Freysnesið til Tótu frænku

Hér eru heimildamyndir um það sem ég er að bardúsa. Mamma var með trommusett í stofunni fyrir ættarmótið um síðustu helgi og ég sýndi mikla takta. Svo þarf ég stundum að hjálpa ömmu á Skipalæk

Sandkassi

Um síðustu helgi fórum við út á Héraðssand, settum hluta af honum í kerru, keyrðum heim og settum hann í sandkassann minn hérna í garðinum. Núna er ég semsagt alltaf að leika mér í sandkassanum mínum þegar gott er veður og það er ótrúlega uppbyggjandi og lærdómsríkt að moka sandi í fötu bara til að hella úr henni og moka aftur í hana.

Pakki frá NZ

Hvað haldið þið!!! Ég fékk pakka alla leið frá Nýja Sjálandi en þar er einmitt systir mín að læra rosalega mikið. Mér finnst reyndar að hún ætti að fara að koma heim til Íslands og sjá hvað ég er orðinn stór og myndarlegur, en þangað til, verður hún bara að skoða myndirnar hér á síðunni minni. Takk, takk, takk fyrir pakkann.

Ég að borða

Gat ekki stillt mig um að senda mynd af mér þar semég er að borða, ég er nefnilega farinn að geta gert ýmislegt sjálfur, aleinn og hjálparlaust.......bráðum verð ég stór

Kaggi

Það eru sko ekki allir sem eiga svona góða nágranna eins og ég......

Einn góðan veðurdag kom Salka dóttir Þodda og Ástu Jónu með þennan líka fína bíl til mín. Hann er reyndar aðeins of stór svo að ég er ekki farin að geta hjólað á honum en ég þar sem ég reikna með að stækka aðeins meira þá er ég farinn að hlakka til að geta hjólað um pallinn þveran og endilangan t.d. í sumar, en þangað til, þykist ég vera viðgerðarmaður og spjalla við afa um bílinn og hvernig á að gera við.

Páskaegg

Selma Þórunn frænka mín kom í heimsókn og gaf mér páskaegg sem ég borðaði að sjálfsögðu strax með tilheyrandi smyrjaútumallt stæl.

Gestagangur

Um páskana kom Sigríður Svandís frænka mín í heimsókn, hún er bara ágæt og við getum alveg leikið okkur...hm í hæfilegri fjarlægð frá hvort öðru. Ég var hálf feiminn við hana enda er hún stærri en ég, með miklu meira hár og ábyggilega sterkari líka. Hérna eru myndir sem voru teknar af okkur þegar við vorum að næra okkur aðeins.....

Sleðaferð

Stundum fer ég í Skipalæk til að renna mér á sleða og það er frábært. Amma er ótrúlega dugleg að draga mig upp og niður hólinn á sleðanum og þegar við verðum þreytt þá förum við inn og fáum okkur pönnukökur. Í gær heilsuðum við upp á afa Grétar á sjúkrahúsinu og þegar við komum heim í Skipalæk aftur þá tók ég nokkrar sleðabunur og hitti líka hestana.

Daglegt líf

.....mamma er ótrúleg. Hún gleymir að taka myndir á mikilvægum stundum eins og afmæli en er svo að taka myndir þegar ég er að gera bara venjulega hluti, eins og t.d. að borða muffins í mesta sakleysi...

....eða hjóla (ég er mjög flínkur að hjóla)...